नेपाल कुमाल समाज सुधार समिति, जसको संक्षिप्त नाम कुमाल समाज नेपाल हाे। नेपालको संविधान  तथा त्यसअनुरूप निर्माण गरिएका नीति, नियम र कानुनी व्यवस्था अन्तर्गत स्थापित आदिवासी जनजाति अन्तरगत पर्ने सिमान्तकृत अल्पसंख्यक कुमाल जातिकाे मुल संस्था हो।यो संस्था एक अविछिन्न उत्तराधिकारवाला, संगठित, स्वशासित, गैरनाफामुलक, गैर राजनीतिक तथा गैरसरकारी सामाजिक संस्था हाे। याे संस्था देशका विभिन्न भागमा विशेषगरी पहाडी क्षेत्र, समथर फाँट, उपत्यका, टार तथा भित्री र बाहिरी मधेशमा परम्परागत रूपमा बसोबास गर्दै आएका माटोका भाडावर्तन बनाउने पुख्र्यौली पेसा, मौलिक भाषा, धर्म, लिपि, संस्कृति र कला सहितको ऐतिहासिक र सांस्कृतिक धरोहर बोकेको कुमाल समुदायको एकता, अधिकार, संरक्षण र समृद्धिको लागि समर्पित संस्था हो।